خطرة في محادثة قصيرة عن حدثيات هذا الزمان

في محادثة قصيرة أحررها مع صديقة. اخذني الكلام بالعموميات واختصرت بعض الخصوصيات لعدم اتساع المجال!
اللهم ما كان مني من صواب فهو بحمدك وما كان مني من زلل فهو مني او من الشيطان فاغفر وارحم وعلمني ما ينفعني وانفع اللهم الحق بما علمتني!
اليكم:

· انا - لو كانلك توجه سياسي، شو هوا ؟

· 

 هي حزب سياسي

يعني

· 

- انا تقريبا

· 

 هي -انا مع الجبهه

· 

انا- على كل المبادء او بعضها ؟

او خليني اقول ما تبقى منها!

· 

هي- هو انا اهلي كلن مع الجبهه و بحب مبدأ المساواه و التساوي بين طبقات المجتمع كلا طبعا مبدأ الشيوعيه, و بحب الفقراء و هني اكتر ناس بفكر فيهن

· 

انا -تمام بس هاي مش الشيوعية

ما علينا

او خليني اقول مش بس مبادئ الجبهة

· 

هي- عارفه

· 

انا- بس مش غلط يكون في توجه سياسي معين! من كلامك فهو توجه اقتصادي

على اي حال

· 

هي- بس لما تقول احدا مع الجبهه بفهمك ضمن انو شيوعي

· 

انا -اوك هاد بفهم العامة صح كلامك

بس بالنسبة الي كلام تاني

الا ازا بيجي حدا بقنعني بالمبدأ نفسه .. اعتبريني اول يساري

· 

هي- اتت يساري ???

· 

انا - وفي ناس بتفكر شيوعي يعني ملحد ههههههههههههه شو دخل المنظومة الاقتصادية بالمنهجية الدينية

عن جد شيء بقهر

لا انا مش يساري ... بقلك لو حد قدر يقنعني بالمبدأ ( اوعنده تصور كامل عنه ) اعتبريني يساري ورح امشي معه

بس المشكلة وين ..............! انه الغالبيه غير مثقفة

والطبقة المثقفة

قارئة الادب اليساري بشكل عام وناقمة على اليمين المتطرف

وكل من الجهتين لا يقبل الاخر. أو انغرست المصطلحات التفريقية في عقولهم الباطنة. 

· 

هي- فكرتك يساري

· 

انا - رغم انه فعليا لو اتفقو رح يلاقو حالهم في الوسط

· 

هي- طيب وانا بدكاش تحكيلي عن حالك ??

· 

انا- انا مليش توجه حزبي ولن يكون الي

لانو وجدت الاحزاب كي تفرق لا كي توحد

والدليل واضح ما بده كلام

الكل بقول عن حاله صح

وفي السياسة ... لو بدي احكم بلد !! بعمل فيها 10 احزاب

وبخليها دايما فايعه عشان احسس المواطن اني ديموقراطي وبهتم بالمواطن

زائد انه مش رح اعمل مدينه فاضلة او شيوعية تامه لانه ما بنفع !! ليش ؟! لانه ميكافيللي في كتاب الامير بيحكي انه الامير لازم يكون غني عشان يعرف يتعامل مع العامة

وماركس وانجلز ما وضحو شو طبيعة الامير لازم تكون ! غني او فقير!!!

ولو فرضنا انه فقير وزيه زي الناس .. فعليا هوا الي بتحكم في توزيع المال

او نسميها الحاجات الاساسية بلاش المال والتصور للعقد الاجتماعي جاء نتيجة ظروف اجتماعية وسياسية ممنهجة في مجتمعاتهم اثرت على نفوس المفكرين فطلع منهم بعض الافكار التي تخص مجتمعهم قاموا عمموها، وتم تحريرها وتجربتها على سنوات طويلة وثم عدلت لتطبق على المتغيرات الجديدة.

نرجع لورا شوي !!! الحاجات الاساسية مكفولة بديهيا !!

كيف يعني

يعني الاكل ( الارض بتطلعه ) والشرب ( المية مكفولة )

النوم ( بسيطة )

الجنس ( مسهلة )

الحرية الفكرية والتنقلية ( بدييهية )

طب ليش بنحكي بدنا مساواة ؟؟ لانه في ناس ما بدها المساواة!

والظلم يفترض فاعل ومفعول به يعني هادي سنة حياة ونفوس وطريقة تفكير (

يعني مجمل الحكي .. لو انا بدي اطبق الشيوعية بمفهومها الدقيق رح اضطر افرض عدة شغلات

منها اول شيء اني اعمل خزينة دولة ( بيت مال )

تانيها رح اشرع الزكاة

بناء عليه ( ما في سرقة ما في قتل ما في جريمة )

ليش ؟ لاني سديت حاجه الناس

نرجع لورا شوي .!! عمر بن عبد العزيز عمل هيك ! بس مكانش شيوعي "( معقول! ... اه معقول ليش لا )

بس المشكله انه احنا بناخد جانب واحد من التاريخ يهدف لخدمة الفكر الضيق تبعنا وبندعم بامثله

مفش عندنا تقبل للاخر

او علمتنا الاحزاب على عدم تقبل الاخر

فكرة يسار او يمين اصلا فكرة عنصرية تفريقية

ومن يصف نفسه بهيك صفات فهو يتبع دون وعي لهذه الفكرة العنصرية

مرة كنت بحكي بفقه العقيدة الاسلامية وفقه اللغة العربية ( لازم ينحكو مع بعض لانهم متصلين )

وواحد فكرني ملحد

وواحد فكرني مسلم متشدد

الملحد فكرني ملحد لاني قلت انه الله ملوش دعوة في طريقة تفكيرك ربنا خلقلك عقل انتا بتتصرف فيه وبتستغل الطاقة هادي في السبيل الي بتختاره والا ما كان خيرك أصلا.

وفكرني ملحد لاني بقول انه عيسى عليه السلام مات ومش رح يرجع

زيه زي غيره

والتاني فكرني مسلم متشدد لاني بشرح القران من ناحية لغوية

متينة جدا

لانه فعليا فش فيه ولا غلطة وتحدي لكل البشر يلاقو غلطه

سألوني التنين شو توجهك

قلتلهم مسلم يأخذ بالقران والعقل

قالو طب والسنة ( قلتلهم بكفي غباء ) شو ضمني انه كلها وصلت صح؟ باخد منها بس الي بوافق القران وبوافق العقل وهو كثير جدا

رغم بساطة الحياة وسهولة عيشها بمفاهيم بسيطة الا انه  العقل البشري يعشق التنصيف

وترتيب البشر كأنهم احجار لعبة الليجو

ليش! لانه ببساطه تعرض لكم كبير من المشاهد الي قدحت في عقله الباطن هيك شغلات

لما واحد يعيش بين لوحات فنية

طبيعي يكون خياله واسع

ولما واحد بقعد عالتلفزيون كتير طبيعي يصير ينسا ويصير عصبي

بالاخر النظرية الفلسفية للمنطق البشري

يمكن استغلالها بكل سهولة من خلال اللعب على الحاجات الاساسيه

وهاي سهله جدا

الشباب في العمر ما بين 14 الى 25 شهوتهم بتكون عالية جدا

وهم فعليا عماد المجتمع

لو بدي اضرب مجتمع واسيطر عليه ما بحتله عسكريا ... ليش اغلب حالي ويصير عندي تنظيمات سريه واغتيالات وكزا

بريح حالي وبستخدم ثقافة المحتل اعلى

وبضرب المنظومه الثقافية عند المجتمع هاد

بجرده من تاريخه وبفرقه باحزاب سياسية او ديينه كله واحد من حيث النظرية

وبنزل موضات جديدة دايما

وبجوعه كم سنه

وبعمل حزب جديد يكون غني وعليه امير
وحسب المجتمع ( اضل طريقة ... الايدولوجية الدينية ) لانها بتتعلق بما يرسخ في القلوب والعقول وسهل نسممها.

عشان الناس تنتمي اله عشان تاكل

بعدين بمسكه البلد

بحس بالمسؤولية وانه زي حجر الشطرنج بندم ع عملته

وبصير يتغول في الشعب

الشعب بنضغط بزهق

بنسى ماضيه وببطل فارقه معه مستقبل

المهم الحاضر

والمهم لقمة العيش ( بظن انه غزة حاليا مثال جيد )

وهيك بكل سهولة انا بعمل الي بدي ياه في المجتمع هاد

وبفرض مبادئي وبفرض ثقافتي

وبكتب التاريخ زي مبدي

وبغير المناهج وبحط سموم الافكار التحررية ليبنوا العقل الباطن للجيل الجديد على رفض المفاهيم السليمة للتماشي مع ما يسمى ديمقراطية او حضارة!

وبحط الافكار الي بدي ياها والمصطلحات الي بدي ياه.
فكرك لما الصهاينة بعملو مجاز بغزة وبسموها عملية عسكرية ( الرصاص المصبوب مثلا ) بكونو مسميين المسمى في الجانب الفلسطيني برضو ( حرب الفرقان ) مش عشوائية القصة :) وهلم جرا

عشان هيك طبقة الصفوة بتفهم الكلام هاد

اما طبقة ما يسموا بالمثقفين فللاسف تسيطر عليهم احد اليات السيطرة

والعوام مهو زي محكيت بالاخر بهمه سد حاجاتاه

لكن كحاكم بهمني ديمومة سيطرتي واستغلالي

لو المفهوم الواقعي هاد موجود عند كل شب ( ما بدي الختيارية ) رح تشوفي واقع تاني غير هالواقع

بس انا ما بقدر اقعد مع واحد ما بعرف مين ابن خلدون ولا بعرف كارل ماركس

بس بعرف جاستين بيبر وانجلينا جولي مثلا

واجي اقله شو رايك بعلم موسيقى القران

او احس انه انسان ثوري لكن عن علم

مش حجر شطرنج // بس فالاخر انا بحاجه لحجار الشطرنج

والعقول بتختلف

وانا بتحدى ان في انسان بفكر زي التاني ( ممكن يلتقول ب 99% من النقاط ) لكن نفسه مستحيل

هاي حكمة الهية الانسان ملوش دخل فيها ... المدرس بكون ممتاز لكن بتلاقي 3 برسبو في الصف

وحتى لو تم برمجه العقول .. رح تلاقي السلوكيات مختلفة

عشان هيك الملحد انسان ناقص عقل

والمتشدد انسان ناقص بصيرة

والحكام قصيري الافق

اما اهل العلم فهم حملة القضية وحملة هم الامم

واذا كان صحيح الحديث، فالعلماء ورثة الانبياء

اي بالدرجة تقريبا نفسها

لانه النبي فعليا مهمته يقول للناس بس امشو ع الفطرة السليمة

تزكرو انه ربنا خلقكم وامشو صح لانه الغلط ما رح ينفعكو

ما بدي ارجع لنظرية المؤامرة واقلك انه في سيطرة عالعالم لانه في صح

لكن في نفس الوقت في ناس فاهمة الامور هاي

بس طبعا كان زمان الحاكم يحكم بناء على انه الشعوب جاهله

الان الشعوب باتت اوعى قليلا في قضاياها أو صنع المتحكمون نوع الوعي الي بدهم ياه

اليوم الحاكم بيلعب ع وعي الشعوب ( ما يسمى بالربيع العربي ) وفوضى ( الديموقراطية )

الحق واضح والباطل ممكن ينعرف

بس بده انسان عاقل وقلبه واسع وفكره يسع اي فكر

لانه الانسان اذا انحاز رح يظلم وان ما ظلم هوا رح يكون سبب في ظلم وان ما كان سبب رح يكون سبيل في انحراف او قصور اجتماعي

ولو رجعنا للعقد الاجتماعي عند الاجتماعيين .. بعجبني ابن خلدون ( مش عشانه عربي ) لانه فكره رائع

وبنشغل حالنا بتفاصيل هبلة جداااااااااا

مع انه الاصل وااااااااااااضح

وسهل

لكن الوصول اله منطقيا هو الي انجعل صعب

اخلاقنا العربية او الاسلامية

رائعه جدا وسامية الى ابعد الحدود

احترام النفس وتقدير الذات

احترام الجار من قواعد الشريعه

وشريعه معناها طريقة او منهج

يعني بنفع اقول الشريعه الاشتراكيه في حال كانت ممهنجة بشكل كامل

الزكاة والصدقة

الابتسام والصدق وحفظ الامانه

مهيا هاي كلها عشان تنظم حياة الناس ببعض

عقيدتنا سليمة وشريعتنا بسيطة، لكن دلس تاريخنا وجرينا ورا ما يفرقنا بدل مايوحدنا.
لغتنا العربية دليل وحدة وواضح انه ما عاد موجود.

قلبي بجعني جدا لانه الهم مش بسيط

ما بلوم العوام ، لكن بلوم الخواص بشكل مباشر

وراسي اجعني من الكتابة ... لو حكي اريح وكان فصلت اكثر بس الكتابة وجعت عيني.

وعندي امتحان ادب امريكي بكرا الصبح ههههههههه الله اعلم شو فيه :)

 بدي أقوم أراجع المادة. أراكِ

نشر في : 5:57 PM |  من طرف Unknown